ஜாங்கிரி.. பூங்கிரி.. டோங்கிரி.., 25/08/2012

ஞாயிற்று கிழமையும் ஸ்கூல் வைக்கிறாங்கப்பா அதான் வர முடியலை பதிவர் சந்திப்புக்கு..

பதிவர்கள் சந்திப்பு திருவிழாவுக்கு உழைக்கும் உள்ளங்களுக்கு வாழ்த்துக்கள்…

சரக்கு…

அம்மா ஆட்சியில் டாஸ்மாக்கை குளோஸ் பன்ன போறதா வதந்தியும் புரளியும் கிளம்பி குடலை புரட்டி வாந்தி எடுக்க வச்சாலும்……..ஒன்னும் நடப்பது மாதிரி தெரியலை………அந்தளவுக்கு நம் தமிழ் கலாச்சாரத்திலயும், தமிழக கஜானாவுலயும் கலந்தாச்சு.

கேரளாவில் சரக்கு விற்பனை, நம்ம தமிழ்நாட்டோடு ஒப்பீடும் போது ரொம்பவே ஜாஸ்திதான். அவிங்க நம்மலுக்கு எந்த விதத்துலயும் குறைஞ்சவயிங்க கிடையாது.

ஆனால் அவங்களுக்கு நடந்த நல்ல விஷயம் என்னன்னா? கேரள உயர்நீதிமன்றமே தலையிட்டு ஒழுங்கா சாயந்திரமெல்லாம் வீட்டு மணி அடிச்சுடுங்கடான்னு குட்டியிருக்கு…நம்ம பயலுங்களுக்கு எப்ப கண்ணை தொறப்பானுங்கலோ தெரியலையே..

போலீஸ்…

இதுவும் கேரளாத்தான்……..மாணவர்கள் போலீஸ் திட்டம் ரொம்ப நல்ல முறையில் செயல்படுத்தப்பட்டு வருகிறதாம்.

எட்டாம் வகுப்பு படிக்கும் போதே தேவையான உடற்பயிற்சிகள் கொடுக்கப்பட்டு, அவங்களுக்கு ஏத்த மாதிரியான போக்குவரத்து ஒழுங்கு படுத்துதல், சிவில் வழக்குகள் போன்றவற்றில் பயிற்சி கொடுக்கப்பட்டு வேலைகளில் ஈடுபடுத்த படுகிறார்கலாம் அவங்க படிக்கும் பள்ளிகளுக்கு அருகாமையிலயே…

நம்ம தமிழக பள்ளி கூடங்களில் என்.சி.சி யிலயே யாரும் சேர ஆர்வம் காட்டுவதில்லை. அரசுக்கும், கல்வி அதிகாரிங்களுக்கும், சில பல வாத்தியார்களுக்கும் அரசியல்வியாதிங்க வழியில் ஊழல் பன்னவே நேரம் சரியா இருக்கு. ம்ம்ம்ம்ம்ம்ம்ம் முதலில் நம்ம தமிழக மாணவர்களின் பெற்றோர்களுக்கே விருப்பம் இருக்காது. எப்போதும்……படி படி படி தான்…

கேரளா மாணவர்கள் போலீஸ்…வெப்சைட்… http://www.studentpolicecadet.org/

கஷ்டம்…

இதுவும் கேரளாத்தான்…….50 பேரை ஏமாத்தி கல்யாணம் செஞ்சு ரெண்டு மாசம் குடும்பம் நடத்தி, லட்சம் லட்சமா ஆட்டைய போட்டுருச்சாம் ஒரு அம்மனி, நம்ம பயபுள்ளைங்க எல்லாம் வறுமையில இருக்கானுவோன்னு நினைச்சு, நம்மல்லாம் பொங்கிக்கிட்டு இருந்தா………..

படுபாவிங்க ஒத்த புள்ளைக்கிட்டயே இவ்வளவு பேர் ஏமாந்து இத்தனை லட்சத்தை கொட்டியிருக்கானுவலேய்யா..எல்லாமே கல்யாணம் பன்னி ஆளுக்கு ரெண்டு மாசம் குடும்பமுல்லா நடத்திருக்கானுவோ…

ஒரு வேளை?……தமிழகத்துல……..50 :: 1 விகிதத்துலயா ஆண், பெண் மக்கள் தொகை இருக்கு?, பொண்ணு கிடைக்காம நிறைய பேர் அலைவாங்க போலிருக்கே….இல்லன்னா இப்படி நடக்குமா? பொம்பளை புள்ளைகளுக்கு கள்ளிப்பால் கொடுத்து கொன்னாக்க இதுவும் நடக்கும், இதுக்கு மேலயும் நடக்கும்.

புதுசு புதுசால்ல கிளம்பி வருது புகாரு……..

பவர் ஸ்டார்….

நான் பவரை வச்சு ரெண்டு பதிவு எழுதியிருக்கேன்…..ரெண்டுமே வாங்கி கொடுத்த ஹிட்டை இதுவரைக்கும் வேற எந்த பதிவும் வாங்கி தரலை.

எனக்கு மட்டும்தான் இப்படின்னு பாத்தா? போன வாரம் ஒரு புரோக்கிராமுல செயிச்ச 36,000 உவா பணத்தை அப்படியே, அவரு கூட போட்டி போட்ட பொண்ணுங்களிடம் கொடுத்தாட்டாராமுல்ல…இலவசமா….

பணத்தை விரும்பாத ஸ்டார் பவர் ஸ்டாருத்தான்…

நம்ம லத்திகா திரைப்பட விமர்சணத்தை பவருக்கு ட்வீட் செஞ்சு விட்ட பதிவர் ராஜ் அவர்களுக்கும், முகநூலில் ஷேர் செய்த பதிவர் ஸ்ரீ சீனி அவர்களுக்கும், அதையெல்லாம் ஏத்துக்கிட்டு மீண்டும் அவரோட ரசிகர்களுக்கு ட்வீட், ஷேர் செய்த பவருக்கும் நன்றியோ நன்றி…..சும்மாவா ஏகப்பட்ட ஹிட்டுல்லா….

இலங்கைப் படை, சொறி…..

இவிங்களும் அவிங்களை தொரத்தி விடுன்னு கூவுறாயிங்க, அவிங்களும் தொரத்தி விட்டாச்சு தமிழகத்தை விட்டுன்னு சொல்றாயிங்க…

அட பத்து நாளு கழிச்சு திரும்பவும் வந்துடுறாயிங்க……சின்னபுள்ள தனமால்ல இருக்கு.

நாந்தான் ஒன்னியும் பன்னலை……

நீயெல்லாம் போயி சாக வேண்டித்தானே…….யார் கேப்பா? வேற யார்?…….

எத்தனை பேர் தன்னையே கொழுத்திக்கிட்டு செத்தாங்க, எத்தனை பெண் பேராசிரியர்கள் சோறு தண்ணி இல்லாம கிடந்தாங்க, எத்தனை மாணவர்கள் கல்லூரியில் இருந்து வெளியே வந்து போராடுனாங்க, எத்தனை வக்கீலுங்க மண்டையில் ரத்தம் வழிய தெரிச்சு ஓடுனாங்க……இன்னும் எத்தனை எத்தனை பேர் எதாவது அதிசயம் நடந்துடாதான்னு வேண்டுதல் மேல வேண்டுதல் செஞ்சாங்க…….

எல்லாத்தையும் குள்ளநரித்தனமா கெடுத்து குட்டிசுவராக்கிட்டு இப்போ போயி சாவேன்வாம்………

நிலக்கரி……..

நாட்டுக்கு நட்டமா? இப்படித்தான் 2ஜில சொன்னாயிங்க, இப்ப நிலக்கரில சொல்றாயிங்க.

சும்மா……… எல்லா கணக்கு பயபுள்ளைங்களும் காசு கொடுத்து பாஸ் ஆகிருக்குங்க போல……

ரெண்டு படிச்ச பெரிய வக்கிலுங்கலே சொல்லிட்டாங்க, அதுவும் வெள்ளையா கொழுக் மொழுக்குன்னு இருக்காங்க, அவங்க சொன்னா சரியாத்தான் இருக்கும்.

பக்கிங்க ஏன் பதறுதுங்க? எல்லா பணமும், எங்க போயிட போகுது? பன்னாட்டு முதலாளிங்களுக்கு கொஞ்சமே கொஞ்சம் போக, மீதி எல்லாம் நம்ம அம்பானி, டாட்டா வூட்டுலயும், நம்ம அரசியல்வியாதிங்க வூட்டுலயும்தான் இருக்கும். அவிங்களுட்ட இருந்தா என்ன நம்ம நாட்டு கஜானாவுல இருந்தா என்னா எல்லாம் ஒன்னுத்தானேப்பா?

முன்னேற்றம்…..

போன வருஷம் 14000பதினாலாயிரம் இந்திய விவசாயிங்க சொந்த பிரச்சனைகளால் தற்கொலை பன்னிக்கிட்டாங்க……

இந்த வருஷம் வெறும் 152 நூற்று நாப்பது பேருதான் தெரியுமுல்ல? மிச்சம் இன்னும் கொஞ்சம் பேர்தான் இருக்காயிங்க… அடுத்த வருஷம் பாருங்க……..எல்லா விவசாயத்தையும் அழிச்சு, விவசாயிங்கலே இல்லைன்னு ஆக்கிபுடுறோம்….விவசாயிங்க இருந்தாதானே தற்கொலை பன்னிப்பாங்க….?

கிடைக்குமா?...

எத்தனை கோடி கொள்ளை அடிச்சாலும், அதனை பக்குவமா ஒழிச்சு வச்சாலும், பல பல வாய் ஜாலமும், மாய் மாலமும் செஞ்சு மக்களை ஏமாத்தி தாங்கள் மட்டுமே புத்திசாலின்னு நினைச்சுக்கிட்டாலும்….

தான் வாழும் கடைசி காலங்களில்………. வயித்துக்கு இல்லைன்னாலும் மனசுக்கு நிம்மதியும், இது போல ஒரு சந்தோஷமும் கிடைக்குமா? நம்ம அரசியலவியாதிங்களுக்கு?