ஜாங்கிரி.. பூங்கிரி.. டோங்கிரி.., 01/09/2012

தொலைக்காட்சி…

சென்சாரில் ‘ஏ’ சர்டிபிகேட் வாங்கிய சினிமாக்களையெல்லாம் இனி இந்திய தொலைக்காட்சியில் ஒளீப்பரப்ப கூடாதுன்னு சொல்லிட்டாங்க. அடடா ரொம்ப நல்ல விஷயம்தான், இதைவிட மோசமான, ஆபாசமான, வன்முறைகள் நிறைந்த தொலைக்காட்சி தொடர்களையும், கேம்ஸ்களையும்  எல்லாம் எப்போ நிறுத்த சொல்ல போறாங்க?.

நீதானே என் பொன் வசந்தம்…

கவுதம் & இளையராஜா கூட்டனியில் வெளிவரப்போகும் படத்தோட பாடல்கள் வெளிவந்துருச்சு. இசையமைப்பாளர்களிடம் இருந்தும் பாடல் ஆசிரியர்களிடமிருந்தும் நல்ல ஹிட் ஆக்கூடிய பாடல்களை வாங்கி கொள்வதில் கவுதம் திறமையானவர்தான். நா.முத்துக்குமார் எழுதியிருக்கார், ஏன் தாமரை எழுதலன்னு நினைக்காம இருக்க முடியலை.

படம் போஸ்டர்களை பாக்கும் போது விண்ணைத்தாண்டி வருவாயா போலவே இருக்குமோன்னு நினைக்க வேண்டித்தான் இருக்கு.

இளையராஜா கலக்கியிருக்கார், எட்டு பாடல்கள் கொடுத்துருந்தாலும் ஏன் யுவன், கார்த்திக், ரம்யாவையே அதிகமா பாட வச்சுருக்காருன்னே தெரியலை. இமான் போன்றவர்களே வித்தியாசமான குரல்களை பயன்படுத்தும் போது மாஸ்ட்ரோ ஏன் தயங்குறார்? பாட்டு எல்லாம் கேக்குரதுக்கு நல்லா இருந்தாலும், எனக்கு பிடித்தமான வரிசை இதுதான்…அதுல முதல் நாலு பாடல்கள் சூப்பர்….

என்னோடு வா வா என்று சொல்ல மாட்டேன்…கார்த்திக்

முதல் முறை பார்த்த ஞாபகம்…சுனிதி சௌகான்….

வானம் மெல்ல கீழிறங்கி……இளையராஜா, பெலா ஷெண்டே

காற்றை கொஞ்சம் நிக்க சொன்னேன்….கார்த்திக்

சாய்ந்து சாய்ந்து நீ பார்க்கும் போது…யுவன், ரம்யா

சற்று முன்பு……ரம்யா..

பெண்கள் என்றால் பொய்யே பொய்தானா………யுவன்

புடிக்கலை மாமு…….சுராஜ் ஜெகன், கார்த்திக்

ஜெயா டிவி, எம்.எஸ்.விஸ்வநாதன் & ராம மூர்த்தி…

ரொம்ப அருமையான விழா தமிழக முதல்வரின் தலைமையில் ரஜினி, கமல் இளையராஜா போன்றவர்களின் பங்களிப்போடு, இளையராஜா ஓகே ஆனால் கமல் & ரஜினி கட்டாயமா கலந்துக்க வேண்டியிருக்கு யார் முதல்வரா வந்தாலும் ஏன்?. சரி எல்லாம் விளம்பரத்துக்காக இருக்கும். மக்களும் எம்.எஸ்.வி ராம்மூர்த்தி கலந்துக்கலான்னா கூட கவலைப்பட மாட்டாங்க, கமல் ரஜினி கலந்துக்கலைன்னா அவ்வளவுத்தான்….

கட்சிகாரர்களின் கூட்டம் இல்லாமல், குத்து டான்ஸ் இல்லாமல் நடந்த வரைக்கும் ரொம்ப சந்தோஷம். ரஜினியோட பேச்சும், அதற்கு ஜெயலலிதாவிடம் இருந்து பெரிசா பிரச்சனை வராமல் நாகரீகமா போயிக்கிட்டு இருப்பதும் அருமை. இடையில் தலிவர் எதாவது அறிக்கைவிட்டுடுவாரோன்னும் பயமாத்தான் இருக்கு.

மத்திய அரசு……..

தொடர்ந்து எட்டு நாளாக நாடாளுமன்றம் முடக்கப்பட்டு வருகிறது. அய்யயோ இப்படி மக்கள் பணமெல்லாம் வீனா போகுதேன்னு ஒப்பாரி வைப்பவர்களை பற்றி கவலைப்படாம ஒரு முடிவு தெரியும் வரைக்கும் நடத்தவிட கூடாது. இவங்க தொடர்ந்து நடத்தி மாத்திரம் என்ன கிழிக்க போறாங்க? இல்லாட்டி மட்டும் நாடாளுமன்றம் நடைபெற ஆகும் செலவுக்கெல்லாம் என்ன பாலும் தேனுமா ஓடுது.

எல்லா முடிவுகளும் அன்னையின் வீட்டு கிச்சனில்தான் எடுக்கப்படுகிறது, நாடாளுமன்றம் நடந்தா மட்டும் அங்கயா முடிவு எடுக்க போறாங்க? நாடாளுமன்றம் முடக்கப்பட்டலாவது மக்களுக்கும் ஒரு விழிப்புணர்வு இருக்கும். ஏன்ன்னு ஒரு கேள்வி பிறக்கும். நாடாளுமன்றம் நடக்க ஆரம்பிச்சுட்டா பின்ன எல்லா பக்கிங்களுக்கும் அம்னீஷியா வந்துரும். 

மன்னுவும் ஊர் சுத்த கிளம்பிடுவார். எல்லாத்தையும் செஞ்சுட்டு பதில் சொல்லாம, நடவடிக்கை எடுத்து ஒப்பந்தங்களை ரத்து பன்னாம மன்னுமாதிரி மவுனமா இருக்கும் போது, மக்கள் பணம் கோடிக்கணக்கானதைப்பத்தி கவலை படாம இருக்கும் போது, இந்த ஒரு மாசம் நாடாளுமன்ற செலவு மாத்திரம் பெருசா என்ன? எதுக்கு நடத்த விடனும்? விட கூடாது….

கொடூர கொலை….

திமுகவின் முன்னாள் எம்.எல்.ஏவும் முக்கிய பிரமுகருமான வெள்ளைச்சாமி எனும் காதர் பாட்ஷா கொடூர கொலை. திமுகவின் கட்சிக்காரர்கள் கொலைகளுக்கு மாத்திரம் முடிவே தெரிய மாட்டேங்குது. கடந்த கால நிகழ்வுகளை ஞாபகமாக மீட்டெடுத்து அறிக்கை விடும் தலைவரும் இதுக்கெல்லாம் ஒரு அறிக்கை கூட விட மாட்டேங்குறார். கிரானைட்டுக்கு வேற இன்னும் ஒரு அறிக்கையும் வரலை….

கருத்துக்கணிப்புகள்….

இவிங்க நல்லவயிங்கலா கெட்டவயிங்கலாத்தான் கேக்க தோனுது.

ஜெயலலிதா சிறந்த முதல்வர் என ஐம்பது சதவீத பேர் கருத்து சொல்லியிருக்காங்க. அப்ப மீதிப்பேர் சரியில்லைன்னு சொல்லியிருக்காங்க. கலிஞருக்கு முப்பத்திரெண்டு சதவீதம் பேர் ஆதரவு, ஸ்டாலினுக்கு பதினெட்டு. அப்போ தனி ஆட்களை விட்டுவிட்டு கட்சின்னு பாத்தா திமுகவுக்கு பாதிப்பேரும், அதிமுகவுக்கு பாதிப்பேரும் ஆதரவா?

காவிரி பிரச்சனைக்கு மத்திய அரசு ஒத்துழைக்காத வரைக்கும் முடிவு தெரிய போறதில்லை. பொதுவா பாத்தாக்க மின்வெட்டு பிரச்சனையை தவிர வேற பெரிய பிரச்சனை எதுவும் இருப்பதா தெரியலை. ஓரளவுக்கு ஊழல் இல்லாத நல்ல நிர்வாகம்தான் நடந்துக்கிட்டு இருக்கு போன ஆட்சி மாதிரி இல்லாமல்.

2ஜியில் திமுகவுக்கு தொடர்பு இருக்குமா எனும் கேள்விக்கு 52 சதவீத பேர் ஆமாமுன்னு தயக்கமே இல்லாம சொன்னாங்களாம். சரி விவரமாத்தான் இருக்காயிங்கன்னு பாத்தாக்க,

அனு உலைகளுக்கு ஆதரவு தெரிவித்தும், இன்னும் இன்னும் வேனுமுன்னும் என்பது சதவீத தமிழர்கள் கேட்டுருக்காங்கலாம்…..வெளங்கிடும் ஆளுக்கு ஒரு செல்போனுக்கு பதிலா அனு உலை கொடுத்தாக்க தமிழர்களின் ஓட்டுக்களை அப்படியே அள்ளிக்கலாம் போலருக்கே…….., தாங்களே ஆப்புல தேடி போயி உக்கார நினைக்கிறாங்களேய்யா…

டெசோ மதுரையில்…

தமிழறிஞர், ஈழத்தமிழர்களின் விடிவெள்ளி, ஈழத்தின் வரலாற்றை கரைச்சு குடித்தவர் குஷ்பு அக்கா கலந்துக்கிட்ட கூட்டத்துல நிறைய திமுகவினர் கலந்துக்கலையாமுல்ல…மதுரைக்கும் ஈழத்தமிழர்களுக்கும் மட்டும்தான் சோதனைன்னு பாத்தா, இனி மதுரை திமுகவுக்கும் சோதனைத்தானா?